ხელშეკრულების ყველაზე დიდი რისკი ხშირად იმ პუნქტშია, რომელიც გარიგების დაწყებისას „ტექნიკურ დეტალად“ ჩანს. კარგი იურიდიული შემოწმება უკავშირებს პირობებს რეალურ ბიზნესპროცესს: ვინ რას აკეთებს, როდის იხდის, რა ხდება დარღვევისას და როგორ სრულდება ურთიერთობა.
მხარე და უფლებამოსილება
გადაამოწმეთ ვისთან დებთ ხელშეკრულებას, არის თუ არა პირი უფლებამოსილი კომპანიის სახელით ხელმოწერაზე და სწორად არის თუ არა მითითებული იდენტიფიკაციის მონაცემები.
ფასი და გადახდა
უნდა იყოს გასაგები თანხა, ვალუტა, გადასახადები, გადახდის ეტაპები, ინვოისის ან მიღება-ჩაბარების როლი და რა ხდება დაგვიანებისას.
პასუხისმგებლობა და რისკის განაწილება
პირგასამტეხლო, ზიანის ანაზღაურება, პასუხისმგებლობის ლიმიტი, გარანტია და ფორს-მაჟორი ერთმანეთთან უნდა იყოს თანმიმდევრული და არ უნდა ქმნიდეს აშკარად ცალმხრივ შედეგს.
შეწყვეტა და დავის გადაწყვეტა
მნიშვნელოვანია ხელშეკრულების ვადა, ვადამდე შეწყვეტის საფუძველი, შეტყობინების ფორმა, გამოსაყენებელი სამართალი და სასამართლო ან არბიტრაჟი. ეს პუნქტები განსაკუთრებით მნიშვნელოვანია საერთაშორისო კონტრაქტებში.
ზოგადი ინფორმაცია ვერ ცვლის კონკრეტული დოკუმენტებისა და გარემოებების სამართლებრივ შეფასებას. დაგვიკავშირდით, თუ გჭირდებათ საქმის ან ხელშეკრულების განხილვა.
კონსულტაცია